«Այս տարի բնությունը «բարեհոգի» գտնվեց, և գյուղացիների մեծ մասը կորցրեց իր ապրուստի միջոցը՝ բերքը: Մարդիկ վարկերի տակ են, հանձնաժողովներ ստեղծվեցին, ուսումնասիրություններ կատարեցին, գնահատեցին և այդտեղ աշխատանքները սառեցվեցին: Քայլեր պետք է ձեռնարկել որոշակիորեն գյուղացիների հոգսը թեթևացնելու ուղղությամբ, խոստում կա վարկերի մի մասը սառեցնելու վերաբերյալ»,- այս մասին «Առաջին լրատվական»- ի հետ զրույցում ասաց ԲՀԿ խմբակցության պատգամավոր Լյովա խաչատրյանը՝ մտահոգություն արտահայտելով, որ մարդիկ բերք չունեն, որ վաճառեն իրենց վարկերը փակեն, հողը մշակեն, ջրի բուժանյութի գումար վճարեն:
Տնտեսության զարգացման միակ ցուցանիշը, ըստ Լյովա Խաչատրյանի, կենսամակարդակի բարձրացումն է, աղքատության կրճատումն է: «Մի քանի տոկոսով տնտեսական աճը վիճվարչությունը գրում-նկարում է, վերջին հաշվետվություններն էլ չեն տալիս, որովհետև Պուտինը ՀՆԱ-ի վերաբերյալ ուրիշ թիվ էր ասել, չեն ուզում «մեծ ախպորը նեղացնել,- ասաց ԲՀԿ-ական պատգամավորը:
Անդրադառնալով վիճակագրական վարչության հրապարաած ուռճացված ցուցանիշներին՝ Լ. խաչատրյանը նշեց. «Վիճվարչությունը ես բիճ- վարչություն կանվանեի, բոլորս ենք համոզված, որ տնտեսական աճ գոյություն չունի: Ինչքան ուզում է վիճվարչությունը թվանկաչրություն անի, հալվա ասելով՝ բերանդ չի քաղցրանա,- ընդգծեց Լ. Խաչատրյանը,- միգուցե Հայաստանն առանց հայերի ծրագի՞րն են իրականացնում, միգուցե այստեղ պետք է մնան միայն հարկահավաքները, մարմնավաճառները և սպասարկողնե՞րը»:
Մանրամասները՝ տեսանյութում:
