Բեն Աֆլեքին գլխավոր դեր են առաջարկել «Անհետացած աղջիկը» (Gone Girl) թրիլլերում, որի բեմադրությամբ զբաղվում է Դևիդ Ֆինչերը: Այս մասին հայտնում է Deadline.com-ը:
Ֆիլմը հիմնված կլինի ամերիկացի գրող Ջիլիան Ֆլինի համանուն վեպի վրա, որը հրատարկվել է 2012 թվականին: Գրքում պատմվում է ամուսինների մասին, ովքեր մտադիր են տոնել իրենց համատեղ կյանքի հնգամյակը: Սակայն հենց տոնական օրը կինն անհետանում է, ընդ որում` հանգամանքները հուշում են, որ նրան կարող է սպանած լինել ամուսինը:
20the Century Fox ընկերությունը գրքի էկրանավորման իրավունքը ձեռք է բերել դեռևս 2012-ի հուլիսին: Ֆիլմի սցենարը գրել է անձամբ Ֆլինը:
Ֆիլմի գլխավոր դերակատարուհի դեռևս չի ընտրվել, նախկինում հիշատակվել է Ռիզ Ուիզերսփունի անունը, սակայն նա, ամենայն հավանականությամբ, ֆիլմի վրա աշխատում է միայն որպես պրոդյուսեր:
