ԿՀՎ նախկին աշխատակից Էդվարդ Սնոուդենը, ով գտնվում է Մոսկվայի «Շերեմետևո» օդանավակայանում, քաղաքական ապաստան է խնդրել Ռուսաստանից: Այս մասին հաղորդում է BBC-ն՝ վկայակոչելով E տերմինալում տեղի ունեցած հանդիպման մասնակիցներից մեկին:
Human Rights Watch իրավապաշտպան կազմակերպության ներկայացուցիչ Տատյանա Լոկշինան հայտնել է, որ Սնոուդենը եվրոպական երկրներին և ԱՄՆ-ին մեղադրել է միջազգային օրենսդրության խախտման մեջ, մասնավորապես այն բանում, որ իրեն թույլ չեն տալիս լքել Ռուսաստանը:
Սնոուդենի խոսքերով՝ Ռուսաստանում իրեն ապաստանն անհրաժեշտ է ժամանակավորապես՝ իր անվտանգությունն ապահովելու համար: Հետագայում նա ծրագրում է մեկնել Լատինական Ամերիկայի երկրներից մեկը:
Ավելի վաղ, Սնոուդենին ապաստան տրամադրելու իրենց համաձայնության մասին հայտնել էին Նիկարագուան և Վենեսուելան: