«Կառուցենք անվտանգ և կայուն համայնքներ Հարավային Կովկասում» ծրագրի շրջանակներում այսօր Շիրակի մարզում անցկացվել են հերթական ուսումնական խաղ-վարժանքները: 2010 թվականից մարզի 14 գյուղական համայնքներում հիմնվել են կամավորական արագ արձագանքնման խմբեր, որոնց միջև ամեն տարի կայանում է խաղ- մրցույթ: Այսօրվա միջոցառմանը մասնակցել է նաև ՀՀ արտակարգ իրավիճակների նախարար Արմեն Երիցյանը, ով պատասխանել է ԳԱԼԱ-ի մի քանի հարցերի:
Մասնավորապես, խոսելով կադրերի մասին՝ նա նշել է, որ կադրերի խնդիր կա, որն ինչ-որ տեղ կապված է նաև աշխատավարձի հետ:
Այսինքն` դուք համամի՞տ եք, որ համակարգում սահմանված աշխատավարձերի չափերը քիչ են և ի՞նչ է արվում այդ ուղղությամբ։ ԳԱԼԱ-ի այս հարցին նախարարը պատասխանել է. «Իհարկե քիչ է, որովհետև 100-110 հազար կամ 90 հազար դրամը ես գտնում եմ, որ քիչ է, որովհետև մեր տղաներն իրենց կյանքն ու առողջությունը զոհաբերում են, փրկում են մարդկանց, էն մարդկանց, ում չեն ճանաչում, չգիտեն ով է, գտնում եմ, որ մեր Կառավարությունը, մենք էլ մի քիչ կհարստանանք, և մեր աշխատավարձը կբարձրանա»,-նշել է Արմեն Երիցյանը: Որպես նախարար` Դուք գո՞հ եք Ձեր աշխատավարձից, այն հերիքո՞ւմ է անհրաժեշտ ծախսերը հոգալու համար հարցերին նախարարն արձագանքել է. «Ո´չ, ես ստանում եմ 240 հազար դրամ, բայց հիմնականում կարծում եմ, որ մերն էլ կբարձրանա, որովհետև այս տարի նախատեսվում է աշխատավարձի բարձրացում, Կառավարությունն այդ ուղղությամբ աշխատանքներ է տանում, կա նախագահի հանձնարարականը»:
Ամբողջական նյութը՝ ԳԱԼԱ-ում
Լուսանկարը՝ Mediamax.am-ի
