Հոլլի Բերին կմարմնավորի գլխավոր դերակատարին «Մայրը» կատակերգությունում, հաղորդում է Variety-ն: Դերասանուհին հանդես կգա նաև որպես նախագծի պրոդյուսեր:
Ֆիլմը կպատմի մի կնոջ մասին, որը որոշում է հեռանալ իր մաֆիոզի փեսացուից հենց հարսանիքի օրը: Նա փախչում է, ծանոթանում է ինչ-որ երիտասարդի հետ ու հետապնդումից խուսափելու համար որոշում է ձևանալ նրա մայրը:
Ֆիլմի նկարահանումները տեղի կունենան 2014 թ. սկզբին: Հայտնի չէ, թե երբ ֆիլմը վարձույթ դուրս կգա:











































