Շեֆիլդից նկարիչ Էնդրյու Վիկերսը ստեղծելով իր քանդակը՝ պատահաբար ոչնչացրել է «Վրիժառուները» կոմիքսի առաջին օրինակներից մեկը: Այս մասին հայտնում է The Daily Mail-ը:
Հազվագյուտ կոմիքսի գինը կարող էր հասնել մինչև 10 հազար ֆունտ-ստեռլինգի: «Վրիաժառուները» նկարիչն օգտագործում էր որպես նյութ՝ պապյե-մաշեի համար:
Կոմիքսի իրական արժեքի մասին նկարչին հայտնել էր մի հավաքորդ, ով պատահաբար տեսել էր նկարչի ինստալյացիան ցուցադրությանը:
Վիկերսն իր ինստալյացիայում, չիմանալով այդ մասին, օգտագործել է 20 հազար ֆունտ-ստեռլինգ արժողությամբ կոմիքսներ:
Վիկերսը կոմիքսներով տուփը գտել էր աղբանոցում ու երկար ժամանակ պահել իր մոտ՝ չիմանալով դրանց արժեքի մասին:
Մեկնաբանելով կատարվածը՝ քանդակագործը հայտարարել է, որ իմաստ չունի տանջվել տեղի ունեցածի համար:
«Վրիժառուները» կոմիքսների առաջին սերիան Marvel հրատարակչությունը թողարկել էր 1963թ.:
