Բոստոնում այսօր սկսվում են քաղաքացի Ջոհար Ցարնաևի գործով դատական լսումները: Նրան մեղադրում են այս տարվա ապրիլի 15-ին անցկացված բոստոնյան մարաթոնի ժամանակ ահաբեկչության կազմակերպման մեջ: Պայթյունի արդյունքում զոհվել է 3, վիրավորվել 260 մարդ:
Դաշնային իշխանությունները Ցարնաևին ներկայացրել են 30 կետից բաղկացած մեղադրանք, այդ թվում՝ «զանգվածային ոչնչացման զենք կիրառելը, մասնավորապես՝ ինքնաշեն պայթուցիկ սարք օգտագործելը» և «ինքնաշեն սարքի օգնությամբ մասնավոր սեփականության չարամիտ ոչնչացումը, որը հանգեցրել է մարդկանց մահվան»: Նրան սպառնում է մահապատիժ կամ ցմահ ազատազրկում:
Boston Herald թերթը հայտնել է, որ լսումներին հավանաբար ներկա կլինեն տուժածների մեծ մասը և նրանց հարազատները: Լսումների համար ընտրվել է ընդարձակ սրահ, որպեսզի տեղավորվեն բոլոր վկաները: Մյուսները գործընթացին կարող են հետևել դատարանի միջանցքներում տեղադրված հեռուստաէկրանների միջոցով:
