Եթե Ռուսաստանը նպաստի ամերիկյան հատուկ ծառայությունների նախկին աշխատակից Էդվարդ Սնոուդենի կողմից երրորդ երկրում ապաստանի տրամադրմանը, դա կանդրադառնա ռուս-ամերիկյան հարաբերությունների վրա՝ հայտարարել է ԱՄՆ Պետդեպի ներկայացուցիչ Ջենիֆեր Պսակին: Այս մասին հայտնում է Interfax-ը:
«Անշուշտ, դա կլինի քայլ, որը մենք կդիտարկենք որպես մեր հարաբերություններին առնչվող»,- ասել է նա բրիֆինգի ժամանակ՝ պատասխանելով ռուսական կողմի նման քայլի՝ երկկողմ հարաբերությունների վրա ազդեցությանը վերաբերող հարցին:
Պսակին հայտարարել է, որ այդ խնդրի շուրջ Ռուսաստանի հետ երկխոսությունը ԱՄՆ-ը համարում է արդյունավետ:
Պսակին դժվարացել է հստակ պատասխանել այն հարցին, թե կոնկրետ ինչպես կազդի Սնոուդենին երրորդ երկիր ուղարկելը:
