Ամառն արդեն իր իրավունքների մեջ է, ճանապարհորդներn այցելում են ոչ միայն անծանոթ քաղաքների տեսարժան վայրերը, այլև տեղի բարերը:
Դրանք կարող են լինել տարբեր՝ նոր և հին, հետաքրքիր լուծումներ, տարբեր պատմություններ ունենալ: Լեգենդար բարերն այնքան էլ քիչ չեն, սակայն AdMe.ru-ն հավաքել է պատմությանն ամենահայտնի 5 խոշորագույն բարերի մասին նյութեր, որն էլ ներկայացնում ենք:
McSorley’s Old Ale House
Նյու Յորքի ամենահին բարերից է Մանհեթենում գտնվող McSorley’s Old Ale House-ը: Հին իրեր, հին թերթերի պատառիկներ, ինչպես նաև իռլանդացի մատուցողներ ու բարմեններ, որոնք հաղորդում են հին Նյու Յորքի մթնոլորտը:
Բարի պատերից չի հավաքվել ոչ մի հուշանվեր՝ 1910-ից ի վեր: Շատ իրեր պատկանել են հայտնի մարդկանց: Սա Նյու Յորքի վերջին բարն էր, որտեղ կանանց մուտքն արգելվում էր: 1970 թ. դատարանի որոշմամբ՝ այն ստիպված իր դռները բացեց կանանց առաջ: Ու միայն 16 տարի անց բարում տեղադրվեց առանձին զուգարան կանանց համար:
Բարի առաջին կին այցելուն՝ Լյուսի Կոմիսարը՝ Կանանց ազգային կազմակերպության փոխնախագահը, 1970թ.
Hofbrauhaus
Մեծ գարեջատուն է՝ պարտեզով, գտնվում է Մյունխենում՝ Պլացլ հրապարակի վրա: Գարեջրատանը, որն իրականում բար է, կարող է տեղավորվել 4 հազար մարդ: Այստեղ սիրում էին ժամանակին լինել թե՛ Վլադիմիր Լենինը, թե՛ Ադոլֆ Հիտլերը: Այստեղ Հիտլերն անգամ համախոհների հավաք է կազմակերպել:
La Bodeguita del medio
La Bodeguita del medio-ն գտնվում է Կուբայի մայրաքաղաք Հավանայում: Ոչ մեծ բարը հայտնի է նրանով, որ այստեղ սիրում էին ժամանակ անցկացնել Էռնեստ Հեմինգուեյը, Պաբլո Ներուդան, Գաբրիել Գարսիա Մարկեսը ու շատ այլ հայտնի դեմքեր:
Հենց այս բարում է ստեղծվել «Մոխիտո» կոկտեյլը: Այս բարի պատերին հնարավոր է կարդալ Հեմինգուեյի գրառումը մոխիտոյի մասին:
White Horse Tavern
Նյու Յորքի երբեմնի լեգենդար բարն այսօր ոչնչով աչքի չի ընկնում: Սակայն այն, որ հենց այստեղ 1953 թ. մահացու չափաքանակով՝ 18 բաժին վիսկի խմեց պոետ Դիլան Թոմասը, բարին ճանաչում բերեց:
The Eagle and Child
The Eagle and Child-ը Օքսֆորդի ամենահին փաբերից է, որը գործում է դեռ 17-րդ դարից: Ընդհանուր առմամբ՝ սա սովորական հին փաբ է, եթե հաշվի չառնենք նրա նշանակությունը համաշխարհային գրականության համար: 23 տարի շարունակ ամեն երեքշաբթի փաբում հավաքվում էին «Ինքլինգի» գրական խմբակի մասնակիցներն ու կարդում իրենց գրական ստեղծագործությունները:
