ՄԱԿ-ի գլխավոր քարտուղար Պան Գի Մունը սիրիական իշխանություններին ու ընդդիմությանը կոչ է արել մուսուլմանների համար սուրբ ամսի՝ Ռամադանի ժամանակ դադարեցնել զինված դիմակայությունը: Այս մասին հայտնում է Reuters գործակալությունը:
«Ես կոչ եմ անում յուրաքանչյուրին, ով ձեռքում զենք է պահում, դադարեցնել մարտերը և նվիրել այդ ամիսը խաղաղությանը՝ որպես ընդհանուր նվեր իր ժողովրդին»,- հայտարարել է նա:
Ավելի վաղ Ռամադանի ժամանակ զինադադարի կոչ էին արել սիրիական ընդդիմության ներկայացուցիչները, որոնք տեղակայված են երկրի արևմտյան Հոմս քաղաքում: