Բանակը «մաքրված» է իսլամական քարոզիչ Ֆեթհուլլահ Գյուլենի կողմնակիցներից՝ հայտարարել է Թուրքիայի վարչապետ Բինալի Յըլդըրըմը։ Այս մասին հայտնում է Anadolu գործակալությունը։
Վարչապետն ընդգծել է, որ Թուրքիայի Գերագույն զինվորական խորհուրդն ավարտել է երկրի բանակային շարքերի զտման աշխատանքը։
Հուլիսի 15-ի երեկոյան Թուրքիայի ղեկավարությունը հայտարարել էր երկրում զինված հեղաշրջման փորձի մասին, որը ճնշվել էր։
Թուրքիայի նախագահ Ռեջեփ Թայիփ Էրդողանի խոսքով՝ հեղաշրջման փորձի ժամանակ զոհվել է 246 մարդ՝ չհաշված ապստամբության մասնակիցներին, ավելի քան 2000 մարդ վնասվածքներ են ստացել։
