Երկրային միկրոբները կարող են հասնել Կարմիր մոլորակ՝ չնայած վարակումը կանխելու միջոցառումներին: Այս մասին հայտնում է New Scientist-ը:
Ճակատագրի հեգնանքով Մարսում կյանքի որոնման փորձերը կարող են հանգեցնել հակառակ էֆեկտի՝ երկրային կյանքը այնտեղ տեղափոխելուն: Որոշ գիտնականներ հաստատում են, որ վարակումն արդեն կարող է տեղի ունեցած լինել: Վարակումը կանխելու խիստ կանոնները խոչընդոտում են կյանքի որոնմանը՝ մեծացնելով առաքելության արժեքը:
Գուցե արժե՞ մեղմացնել կանոնները: Եթե Մարսի վրա սեփական կյանք կա, ապա այն պետք է բավականին տարբերվի երկրայինից՝ այն ճանաչելու համար: Եթե այն չկա, ապա բակտերիաները, որոնք մենք նկատում ենք, կունենան երկրային ծագում, և մենք կճանաչենք դրանք: Սակայն դժվար թե նորեկ միկրոօրգանիզմները բարգավաճեն Մարսի խիստ պայմաններում: Բացի այդ, նրանք կարող են չդիմանալ «տեղի բնակիչների» մրցակցությանը, ինչպես թութակը չկարողացավ գաղութացնել Անտարկտիդան՝ այնտեղից դուրս մղելով պինգվիններին:
