«Ժողովուրդ»-ի հետ զրույցում Գյումրու նախկին քաղաքապետ Վարդան Ղուկասյանը, անդրադառնալով Գյումրու Ամենափրկիչ եկեղեցու գմբեթի այրման թեմային, պատասխանել է հարցին, թե ինքն ի վերջո ինչու էր կառուցել եկեղեցին՝ քաղաքապե՞տ, թե պատգամավոր դառնալու համար:
«Ոչ քաղաքապետ և ոչ էլ պատգամավոր դառնալու համար չեմ այն կառուցել, այլ կառուցել եմ իմ մեղքերի թողության և իմ պապերի հանդեպ և երկրիս հանդեպ պարտքս կատարելու համար»,-ասել է նա:
«Շա՞տ մեղքեր ունեք»,- հարցին էլ պատասխանել է. «Եթե Նարեկացին, այդքան մեծ մարդ լինելով, իրեն մեղավոր է համարում կամ Ներսես Շնորհալին, ապա ինձ պես եղկելիս, թշվառականս ու անարժանն ինչքան մեղք գործած կլինի: Նա, ով ասում է, թե ինքը մեղք չունի, ես ցավում եմ իրենց համար, որովհետև մի բան կասեմ՝ ինքը խելք չունի»,- պատասխանել է նախկին քաղաքապետը:
Շարունակությունը կարդացեք «Ժողովուրդ»-ի այսօրվա համարում:
