Գրավելով բեմական կարիերայի համար հասանելի բոլոր բարձունքները՝ Մադոննան ձեռնամուխ է եղել երիտասարդ տաղանդների առաջ մղմանը: Նոր աստղերի որոնման համար հեռու գնալու կարիք չի եղել: Մադոննան դիզայներական ընդունակություններ է հայտնաբերել իր երիտասարդ ընկերոջ մեջ և որոշել է աջակցել նրան:
Իր աստղային ընկերուհու աջակցությամբ 25-ամյա պարող և մոդել Բրահիմ Զայբաթը թողարկման է պատրաստում Defend անվանումով ու AK-47 լոգոտիպով հագուստների շարքը: Բրահիմի նորաձևության սրահի առաջին հաճախորդը հենց Մադոննան է եղել: Հաջորդ հաճախորդները Ռիհաննան ու Քրիս Բրաունն են լինելու: Նրանք հավանել են «Հետհաշվարկ՝ մինչև բռնություն» և «Խաղաղություն = պատերազմ» գրություններով շապիկները:
Նորաձևության աշխարհում Զայբաթի հաջողությունների համար հոգալով՝ Մադոննան որոշել է դիմել հայտնի ու հարուստ իր ծանոթներին: Նա ընկերոջը ծանոթացրել է Givenchy-ի կրեատիվ տնօրեն Ռիկարդո Տիշիի հետ:
Այս նախաձեռնությունը բավական օրինաչափ է, քանի որ ինքը՝ Բրահիմին, ընդունում է, որ պարողի «պիտանելիության ժամկետը» կարճատև է, և ժամանակն է ապագայի մասին մտածել:
