«Ծնողներն ընդդեմ թմրանյութի» ֆրանսիական ասոցիացիան դատի է տվել այն մարդկանց, ովքեր կողմ են Փարիզի շրջաններից մեկում թմրանյութի սենյակի բացմանը: Այդ մասին հաղորդել են տեղի լրատվամիջոցները:
Ըստ փաստաբան Գիոմ Ժեանսոնի՝ փաստացիորեն ծնողները մեղադրում են վարչապետ Ժան-Մարկ Էյրոյին և առողջապահության նախարար Մարիսոլ Տուրենին: Փետրվարի սկզբին Փարիզի իշխանությունները հավանության էին արժանացրել 10-րդ շրջանում թմրանյութի օգտագործման համար հատուկ սենյակի տրամադրման նրանց նախագիծը:
Ֆրանսիայի պատմության ընթացքում դա առաջին նախադեպն էր: Ենթադրվում է, որ թմրամոլները կկարողանան թմրանյութերն ավելի հիգիենիկ պայմաններում և բժշկական վերահսկողության տակ օգտագործել:
