Երբ Հաագայի Միջազգային դատարանը որոշեց, որ Չինաստանը պատմական հավակնություններ չունի Հարավ-Չինական ծովում և խախտում է Ֆիլիպինների ինքնիշխանությունը`պաշարներ արդյունահանելով, Չինաստանի քաղաքացիները սկսեցին երկրին իրենց աջակցությունը ցույց տալ` բոյկոտելով ամերիկյան Apple և KFC ընկերություններին: Այդ մասին հայտնում է odditycentral.com-ը:
Այդ որոշման մասին ազգային նորություններում հաղորդելուց անմիջապես հետո չինական սոցցանցերում սկսվեցին հայտնվել փշրված iPhone-ների լուսանկարներ և տեսագրություններ: Սակայն հարց է առաջանում, թե ի՞նչ կապ ունեն ԱՄՆ-ն և Apple-ը Չինաստանի և Ֆիլիպինների հակասության հետ: Չիանցիները ԱՄՆ-ին դիտում են որպես Ֆիլիպինների դաշնակից և քանի որ Apple-ի iPhone-ը հանդիսանում է ամերիկյան արտադրանք, այդ պատճառով այն դարձել է մարդկանց հիմնական միջոցը իրենց զայրույթն արտահայտելու համար:
