Ամերիկացի հրշեջներին 45 տոկոսով հաջողվել է մարել Կենտրոնական Արիզոնայի հրդեհը, որը խլել է նրանց 19 գործընկերների կյանքը: Այս մասին հաղորդում է BBC-ն՝ հղում կատարելով տեղի իշխանություններին:
Հրդեհն ընդգրկել է 33 քառակուսի կիլոմետր: Հրդեհի հետևանքով վնասվել կամ փլուզվել է մոտ 114 շինություն: Պատճառը կայծակն էր, որը հարվածել էր Յարնել քաղաքի մերձակայքւոմ գտնվող ծառի:
Պաշտոնական անձինք նշում են, որ որոշ բնակիչներ, որոնք հրաժարվել են տարհանումից, կարող էին դառնալ կրակի զոհ:
Հրդեհը սկսվել է անցած ուրբաթ ու արդեն կիրակի ընդգրկել մեծ տարածքներ: Այն տարածվել է 6.4 կմ/ժ արագությամբ:
Վերջին մի քանի օրերին ԱՄՆ արևմտյան նահանգներում շարունակվում է ռեկորդային շոգը:
Արիզոնայի նահանգապետ Ջոն Բրյուերը հրամայել է 19 օրով իջեցնել պետական դրոշը՝ ի հիշատակ յուրաքանչյուր զոհված հրշեջի:
