Փղախտով տառապող հիվանդին հանձնվել է անհրաժեշտ դեղերի կես տարվա ողջ ծավալը. ԱՆ

ՀՀ առողջապահության նախարար Դերենիկ Դումանյանի հանձնարարությամբ այսօր նախարարության աշխատակազմի լիցենզավորման գործակալության պետ Կարեն Կոստանյանը փղախտով տառապող Աշոտ Գրիգորյանին է հանձնել նրա բուժման համար անհրաժեշտ վեց ամսվա դեղերի ողջ ծավալը։

Ինչպես արդեն տեղեկացրել էին ԱՆ-ից, նախարարի հանձնարարությամբ հիվանդին L.Միքայելյանի անվան վիրաբուժության ինստիտուտում անվճար տրամադրվել էր մասնագիտական խորհրդատվություն, ինչպես նաև իրականացվել էին անհրաժեշտ հետազոտություններ։ Նախարարությունը ձեռք է բերել մասնագետների կազմած բուժման երկարաժամկետ սխեմայում նշված դեղամիջոցներն ու պարագաները։

Աշոտ Գրիգորյանը շնորհակալություն է հայտնել նախարարության կողմից մինչև այժմ ձեռնարկված միջոցառումների, աջակցության և հոգատարության համար: Նա նշել է, որ նախարարության կողմից հատկացված դեղերը զգալիորեն բարելավել են իր առողջական վիճակը և կշարունակի բուժումը:

Նշենք, որ Աշոտ Գրիգորյանը կշարունակի գտնվել նախարարության և նեղ մասնագետների մշտական ուշադրության և հսկողության ներքո։