Ավստրալիայում ձերբակալել են ինքնահռչակ կավատ-«վամպիր» Շեյնա Չարտրս-Էբոթի սպանության ենթադրյալ պատվիրատուին: Սպանությունը կատարվել էր 10 տարի առաջ Մելբուռնում, հաղորդում է The Australian-ը:
Ձերբակալվածի անունը Մարկ Էդրիան Փերի է, նա 45 տարեկան է: Մոտ ժամանակներս նրան մեղադրանք կառաջադրվի:
Քննիչները ենթադրում են, որ նա ինտիմ կապ է ունեցել պարուհի Փեննիի հետ, ում բռնաբարելու մեջ կասկածվում էր Էբոթը: Փերին որոշել է ինքնուրույն հաշվեհարդար տեսնել նրա հետ ու մարդասպան է վարձել 200 հազար դոլարով «վամպիրին» սպանելու համար:
Գործով անցնող մյուս անձինք արդեն ձերբակալվել են:
Շեյն Չարթրս-Էբոթին գնդակահարել էին 2003թ. Մելբուռնի իր բնակարանում: Սպանվածը գումար էր վաստակում սեքսուալ ծառայությունների մատուցմամբ: Սպանության պահին նա գտնվում էր հետաքննության ուշադրության կենտրոնում Փեննիի բռնաբարության գործով, ում լեզվի մի մասը կծել էր: Կնոջ պնդմամբ՝ նա հայտարարել էր, թե 100-ամյա վամպիր է ու պետք է խմի մարդկային արյուն:
