Նյու Յորքը կդառնա առաջին քաղաքն աշխարհում, որը կունենա իր սեփական համացանցային դոմենը: Այս մասին հայտնում է ITAR-TASS-ը:
«Արդեն շատ շուտով գործարար և մասնավոր կազմակերպությունները, ինչպես նաև մեգապոլիսի բնակիչները կստանան եզակի հնարավորություն՝ գրանցելու իրենց կայքերը .nyc դոմենային գոտում»,- ասվում է քաղաքի վարչակազմի հայտարարության մեջ: Այնտեղ կարող են տեղակայվել Նյու Յորքում գտնվող կամ նրա մասին պատմող կայքերը:
Սեփական դոմեն ստանալու վերաբերյալ հայտով իշխանությունները համապատասխան ICANN կորպորացիային դիմել էին դեռևս 2009 թվականին:
