ՀՀ ԱԻՆ Ճգնաժամային կառավարման ազգային կենտրոնում հուլիսի 6-ից 7-ն ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես` Երևանի Հալաբյան փողոցում՝ ֆիզիկայի ինստիտուտի մոտակա այգում, այրվել է մոտ 1000 քմ խոտածածկ տարածք և թփուտներ:
Այս մասին «Առաջին լրատվական»-ին տեղեկացրին ՀՀ արտակարգ իրավիճակների նախարարությունից:
Արարատի մարզի Նարեկի գյուղի «Գյոլասամ» կոչվող լեռներում այրվել է մոտ 25 հա խոտածածկ տարածք, Գառնի-Արտաշատ ավտոճանապարհին՝ «Խամեր» կոչվող հանդամասում՝ մոտ 5000 քմ խոտածածկ տարածք:
Բոլոր հրդեհները հրշեջ-փրկարարները մեկուսացրել են և մարել:
