ԱՄՆ-ում դատարանը կանգնել է հայցվորի կողքին և պարտավորեցրել Hyundai Motor ընկերությանը Զաքարի Դունկանին և նրա ընտանիքին 14 մլն դոլարի չափով փոխհատուցում վճարել՝ վթարի ժամանակ չբացված անվտանգության բարձիկի պատճառով: Այս մասին հայտնում է Reuters գործակալությունը:
Դունկանի փաստաբանների տվյալներով՝ անվտանգության բարձիկը չի աշխատել այն պատճառով, որ արտադրողը սխալ է տեղադրել ցուցիչները: Վթարը տեղի է ունեցել 2010 թվականին: Դունկանը գտնվել է Hyundai Tiburon մեքենայի ղեկին: Վթարի հետևանքով նա գլխուղեղի վնասվածք է ստացել:
Փաստաբանը նշել է, որ նման դատավճիռն ունի նշանակություն նաև պետական անվտանգության համար:
Hyundai-ի ներկայացուցիչը հայտարարել է, որ հարավկորեական ընկերության ղեկավարությունը համաձայն չէ դատավճռին:
Ավտոարտադրողը մտադիր է բողոքարկել վճիռը:
