Վրաստանում իշխանությունների կողմից համաներում հայտարարելուց հետո, փորձագետները կանխատեսում էին, որ Ուկրաինա կժամանեն «օրենքով նոր գողեր»:
Միայն հունիսին Ուկրաինայի տարածքում ոստիկանությունը ձերբակալել է վեց «օրենքով գողի»՝ հինգ եկվոր և մեկ ուկրաինացի: «Վզգլյադը» փորձել է պարզել, թե ինչ է թաքնված այդ միտումի հետևում:
Հունիսի սկզբին Դնեպրոպետրովսկում ձերբակալվել է 63-ամյա «օրենքով գող» Ակակիա Բիլանիշվիլին (Կակո կամ Կշուվ):
Մեկ շաբաթ անց Ղրիմում մեկը մյուսի հետևից ձերբակալվել են Կոտոման, Պրինցը, Չիրոն և Մամուլոն: Առաջինը Ղրիմ է ժամանել Սալոնիկիից, երկրորդը՝ Ստամբուլից: Չիրոյի և Մամուլոյի այցը պատահականություն չէ. նրանք ներկայացնում են Սուխումի և Քութայիսի կլանը, որը վաղուց ցանկանում է Ուկրաինայից դուրս մղել Դեդ Հասանի կողմնակիցներին, որի մահից հետո թբիլիսյան գողական կլանի դիրքերը խարխլվել են:
Աղբյուրի խոսքերով՝ հեղինակությունների միջև ոչ մի պատերազմ չի լինի: Ծագած խնդիրները նրանք նախընտրում են լուծել խաղաղ ճանապարհով, սովորաբար՝ ռեստորաններում:
Փորձագետի գնահատմամբ՝ վրացի հեղինակությունները «խնամում են» Ուկրաինան: Վիճակագրության համաձայն ևս թագադրված գողերի կեսից ավելին ծնունդով Վրաստանից են:
Աղբյուրի խոսքերով՝ այսօրվա դրությամբ հետխորհրդային տարածքում թագադրված է 450 «օրենքով գող», նրանց քանակը գործնականորեն չի փոխվում, ինչը պայմանավորված է նրանով, որ հենց որ կյանքից հեռանում է նրանցից մեկը, նրան փոխարինելու գալիս մեկ ուրիշը:
2012 թ. ուկրաինացի քրեական հեղինակությունների շարքերը համալրվել է ևս մեկով: Հոկտեմբերին ուկրաինացի «օրենքով գող» Սերգեյ Մամեդովի մահից հետո Աթենքում թագադրվել է Անդրեյ Նեձելսկին, ով ավելի շատ հայտնի է Նեդելյա կամ Անդրեյ Լվովսկի անունով: Կիևի նոր նայողներ են նշանակվել Պիչուգան, Լյորա Սումսկոյը և Լյոխա Կրասնոդարսկին: Վերջինս, սակայն, ձերբակալվել է Դոնեցկում՝ աղջկա վրա հարձակվելու մեղադրանքով:
Աղբյուրը նշել է, որ Ուկրաինայում յուրաքանչյուր «օրենքով գող» ունի իր բիզնեսը. նրանց մոտ տեղերը բավականաչափ հստակ բաշխված են: Կան ջոկատներ, որոնք գողանում են և կան մարդիկ, որոնք օրինականացնում են այդ փողերը: Վերջին ժամանակներս «գողական փողերը» հաջող կերպով օրինականացվում են՝ ներդրվում են բաժնետոմսերի, բանկերի մշակված միջոցների մեջ: Այս միջոցներով բացվում են առևտրային ընկերություններ և այլն:
Աղբյուրի տվյալներով՝ վրացի քրեական հեղինակություններն այժմ ամենաշատ եկամուտը ստանում են շնորհիվ այն բանի, որ Ուկրաինայով թմրանյութ են ուղարկում Ասիայից Եվրոպա և Ռուսաստան: Այս գործով նրանք սկսել են վերջերս զբաղվել, քանի որ նախկինում «օրենքով գողերը» հարգում էին ավանդույթները և թմրանյութերի հետ գործ չէի ունենում։
Վրացի «օրենքով գողերին» հետևելով՝ Ուկրաինա են ժամանում նաև Վրաստանի հատուկ ծառայության աշխատակիցները, որոնք օգնում են ուկրաինացի ուժայիններին:
Այժմ Վրաստանի քրեական աշխարհի ներկայացուցիչները վերջին ժամանակներս, որպես ապաստան, ընտրում են Հունաստանը, Թուրքիան, Իտալիան, Արաբական Միացյալ Էմիրությունները: Հաղորդվում է, որ տեղի ոստիկանությունը չի գիտակցում, թե ինչ վտանգ է դա իրենից ներկայացնում: Բացի այդ, վրացիների համար ավելի հեշտ է ձուլվել տեղի բնակիչներին: Արտաքնապես նրանք քիչ են բնակվում տեղի բնակիչներից,իսկ Ուկրաինա նրանք ժամանում են սովորության համաձայն՝ եզրափակում է պարբերականը:
