1976 թ. խաղաղության Նոբելյան մրցանակակիր Մեյրիդ Կորիգանն առաջարկել է խաղաղության մրցանակն այս տարի շնորհել Wikileaks-ի տեղեկատու Բրեդլի Մենինգին, հայտնում է RIA Novosti-ն:
Զինծառայող Բրեդլի Մենինգը ներկայում անցնում է քրեական գործով, որի շրջանակում նա մեղադրվում է Պետդեպի փաստաթղթերն անօրինական ճանապարհով ձեռք բերելու ու դրանք WikiLeaks կայքին հանձնելու մեջ:
Ամենածանրը մեղադրանքներից այն է, որ նա «օգնել է թշնամուն», քանի որ, ըստ մեղադրող կողմի, «Ալ-Քաիդայի» առաջնորդ Ուսամա Բեն Լադենն օգտվել է այն նյութերից, որը Մենինգը փոխանցել է Wikileaks-ին:
Մեյրիդ Կորիգանը, որպես Նոբելյան մրցանակակիր, օգտվել է իր իրավունքից և առաջարկել Մենինգի թեկնածությունը՝ մրցանակի ստացման համար:
«Խաղաղությունը ոչ միայն պատերազմի բացակայությունն է, դա ինչ-որ լավ բանի ստեղծումն է: Ես որոշեցի առաջադրել ԱՄՆ բանակի շարքային Բրեդլի Մենինգի թեկնածությունը, քանի որ ոչ ոքի չգիտեմ, ով արժանի կլիներ այդ մրցանակին ավելի շատ: Wikileaks-ի միջոցով արած գաղտնի փաստաթղթերի ապշեցնող բացահայտումներն օգնեցին վերաջացնել Իրաքում պատերազմը ու կարող են օգնել կանխել պատերազմն այլ տարածաշրջաններում»,- գրում է Կորիգանը Guardian-ում հրապարակված իր հոդվածում:
