Երգչուհի Շերը, ով 67 տարեկան է դարձել, կազմել է իր լավագույն հինգ սիրեկանների վարկանշային աղյուսակը: Այդ ցուցակում առաջին տեղը զբաղեցրել է Թոմ Քրուզը:
Շերը որոշել է ոչ միայն հիշել անցած փառքի մասին, այլ դրա մասին հիշեցնել ամբողջ աշխարհին՝ բացահայտելով իր բուռն կյանքի մանրամասները: Պարզվում է, որ նրա երկրպագուների և զուգընկերների շարքում է եղել նաև Թոմ Քրուզը:
Երգչուհին խոստովանել է, որ Թոմ Քրուզի հետ իր հարաբերությունները սկսվել են հեռավոր 80-ականներին, սակայն մինչ այժմ Շերն այն իր կյանքում լավագույնն է համարում: Կազմելով հինգ լավագույն սիրեկանների ցուցակը՝ երգչուհին ուղղակի չէր կարող չհիշել նրան:
Շերը խոստովանել է, որ ինքն աշխարհի լավագույն սիրեկաններն է ունեցել: Երգչուհու երկրպագուների ցուցակում են Էրիկ Քլեփթոնը, Թոմմի Լին, սակայն նա զղջում է, որ բաց է թողել Էլվիս Փրեսլիի և Մարլոն Բրանդոյի հետ հանդիպելու հնարավորությունը: Աստղը պատմել է, որ նրանց կողմից առաջարկներ է ստացել, սակայն այնքան է անհանգստացել, որ իրենց հարաբերությունները չեն ստացվի, որ այդպես էլ ժամադրության չի գնացել:
Եվ իհարկե, Շերը հայտարարել է, որ կանանց հետ նույնպես հանդիպել է: Պատասխանելով լեսբիական սիրո մասին հարցերին՝ երգչուհին ուղղակի ասել է. «Իսկ ո՞վ այդպիսի սեր չի ունեցել»:
