Բրիտանիայի քաղաքացի, 20-ամյա Մայքլ Սենդֆորդի դեմ, ով ձերբակալվել էր ԱՄՆ նախագահի հանրապետական թեկնածու Դոնալդ Թրամփի դեմ կատարած մահափորձի ժամանակ, պաշտոնական մեղադրանքներ են առաջադրվել՝ հայտնում է Associated Press-ը։
Բրիտանացուն սպառնում է 30 տարվա ազատազրկում։
Նշվում է, որ Սենդֆորդը մեղադրվում է հրազենի անօրինական տնօրինման, պաշտոնական միջոցառման խափանման, ծառայողական պարտականություններ կատարելիս պաշտոնատար անձի նկատմամբ խոչընդոտներ ստեղծելու համար։ Մեղադրանքը հնչեցրել է Լաս Վեգասի դատախազ Դենիել Բոգդենը։
Ավելի վաղ հաղորդվել էր, որ Լաս Վեգասում Թրամփի կողմնակիցների հանրահավաքի ժամանակ ձերբակալվածը հայտարարել էր, որ մոտ 1 տարի մահափորձ է նախապատրաստել քաղաքական գործչի դեմ։
