Ռիկարդո Ռոդրիգեսը՝ «Ռեալ»-ի ուշադրության կենտրոնում. Սպորտ

Մադրիդի «Ռեալ»-ն ուսումնասիրում է «Վոլֆսբուրգ»-ի եզրային պաշտպան Ռիկարդո Ռոդրիգեսին թիմ հրավիրելու հնարավորությունը:

20-ամյա ֆուտբոլիստի տրանսֆերային արժեքը կազմում է 15 մլն եվրո: Այդ մասին տեղեկացնում է Marca-ն՝ հղում կատարելով Bild հանդեսին:

Հավելենք, որ Ռոդրիգեսը կարող է համալրել «Ռեալ»-ի կազմն այն դեպքում, երբ թիմը լքի պորտուգալացի պաշտպան Ֆաբիու Կոենտրաուն:

2012/13թթ մրցաշրջանում Ռոդրիգեսը Գերմանիայի առաջնությունում անցկացրել է 24 հանդիպում՝ դառնալով 6 գոլային փոխանցման հեղինակ: