Եգիպտոսում ավելի քան 22 միլիոն մարդ ստորագրել է դիմումը, որով կոչ են անում երկրի նախագահ Մուհամմադ Մուրսիին հրաժարական տալ: Այս մասին հաղորդում է Interfax-ը` վկայակոչելով «Թամարուդ» շարժման կազմակերպիչներին:
«Մենք հավաքել ենք 22 միլիոն 135 հազար 465 ստորագրություն»,- հայտարարել է շարժման ներկայացուցիչ Մահմուդ Բադրը:
Այս թիվը զգալիորեն գերազանցում է 2012թ. նախագահական ընտրություններում Մուհամմադ Մուրսիի հավաքած ձայներին` 13.23 միլիոն:
Մուրսիի կողմնակիցները ստորագրահավաքն անօրինական են որակել և նշել, որ պետության ղեկավարի ճակատագիրը պետք է որոշվի բացառապես ընտրություններում:
