ԱՄՆ-ի ու «Թալիբան» շարժման բանակցությունները, որոնք պետք է կայանային Դոհայում՝ ամերիկացի պատվիրակ Ջեյմս Դոբինսի մասնակցությամբ, չեն կայացել: Այս մասին հայտարարել է Պետդեպի ներկայացուցիչ Պատրիկ Վենթրելը՝ փոխանցում է RIA Novosti-ն:
«Ես կարող եմ միայն ասել, որ դեսպան Դոբինսը գտնվում է ԱՄՆ վերադարձի ճանապարհին, նա այժմ օդանավում է»,- ասել է Վենթրելը լրագրողներին: Նրա խոսքերով՝ բանակցությունները «չեն կայացել»:
ԱՄՆ-ը 2001 թվականին տապալել է «Թալիբանի» ռեժիմն Աֆղանստանում և հաջորդող տարիներին պայքարել այդ արմատական շարժման դեմ: Վաշինգտոնը ծրագրում է Աֆղանստանից զորքերը դուրս բերել մինչ 2014-ի վերջը և աջակցում է ներաֆղանական խնդրի կարգավորման գործընթացին: Այս շաբաթ ԱՄՆ նախագահ բարաք Օբաման և Աֆղանստանի նախագահ Համիդ Քարզայը կրկին իրենց հակվածությունն են արտահայտել իշխանությունների և թալիբների միջև բանակցային գործընթացին:
Սակայն «Թալիբանի» էմիսարները սպառնալիքի տակ դրեցին բանակցությունները՝ հունսիի 18-ին Դոհայում իրենց գրասենյակը բացելով և այնտեղ «Աֆղաստանի իսլամական էմիրության» դրոշը դնելով, ինչն առաջացրել է Աֆղանստանի իշխանությունների ցասումը:
