1915 թվականի Հայոց ցեղասպանության մասին Վատիկանի արխիվային փաստաթղթերը բաց են, Երևանում ուրբաթ օրը հայտարարել է Սուրբ Աթոռի մամլո ծառայության ղեկավար Ֆեդերիկո Մոմբարդին, հայտնում է RIA Novosti-ն:
«Ես արխիվագետ չեմ, սակայն համարում եմ, որ դրանք այժմ էլ բաց են: Ես ստացել եմ Հայոց ցեղասպանության մասին գերմանացի գիտնականի գիրքը: Այն ամբողջովին գրված է Վատիկանի արխիվների հիման վրա, այսինքն, արդեն նվազագույնը մեկ մարդ կա, որն ուսումնասիրել է Վատիկանի արխիվները»,- ասել է Լոմբարդին:
Պատմաբան և «Հայերի ցեղասպանությունը» գրքի հեղինակ Միքայել Հեզեմանը իր հերթին նշել է, որ Վատիկանի արխիվները պարունակում են Հայոց ցեղասպանության վերաբերյալ 5000 փաստաթուղթ:
Ավելի վաղ Հայաստանի ազգային արխիվի տնօրեն Ամատունի Վիրաբյանը հայտարարել էր, որ երկիրը պաշտոնապես կդիմի Հռոմի պապ Ֆրանցիսկոսին` խնդրելով բացել Հայոց ցեղասպանությանը վերաբերվող Վատիկանի արխիվները:
