ԱՄՆ պետքարտուղար Ջոն Քերին ժամանել է Մերձավոր Արևելք: Այս մասին հայտնում է The Global Post-ը:
Քերիի այցի նպատակն է Իսրայելի և Պաղեստինի միջև խաղաղ երկխոսության վերսկսումը, որը դադարեցվել է մոտ 3 տարի առաջ:
Պետքարտուղարը հանդիպել է Իսրայելի վարչապետ Բենիամին Նեթանյահուի հետ: Նրանք ընթրել են Երուսաղեմի հյուրանոցներից մեկում: Հանդիպումն անցել է առանց լրագրողների, որոնց թույլատրվել էր միայն լուսանկարել ողջույնի ձեռքսեղմումը:
Ուրբաթ Քերին Հորդանանում բանակցություններ կանցկացնի Պաղեստինյան ազգային վարչակազմի ղեկավար Մահմուդ Աբասի հետ:
Քերին, որի համար սա 5-րդ դիվանագիտական այցն է Մերձավոր Արևելք, հնրավոր է՝ պատրաստվում է նպաստել պաղեստինա-իսրայելական գագաթնաժողովի գումարմանն արդեն այս շաբաթվա վերջին:
