«Հասարակության լայն շրջանակների մեջ լուռ դժգություն կա Ռուսաստանից, այն խմբերը, որ մասնակցեցին ընբոստացմանը, ընդամենը ցուցադրողն էին այս տրամադրությունների: Կտրուկ փոփոխություն է տեղի ունեցել Ռուսաստանի հանդեպ ապրիլյան պատերազմից հետո, մարդիկ հասկացան, որ Ռուսաստանը չէ, որ մեզ պահողն է, մեզ փրկողն է և մեր փոխարեն կռվողը, այլ հակառակը»,-«Առաջին լրատվական»- ի հետ զրույցում այս տեսակետը հայտնեց ԵՄ Արևելյան գործընկերության քաղաքացիական հասարակության ֆորումի անդամ Հովսեփ Խուրշուդյանը:
Նրա դիտարկմամբ՝ եթե Հայաստանի քաղհասարակության, ժողովրդի կողմից չլիներ ըմբոստացում, եթե ցույց չտային, որ դժգոհ են, Ռուսաստանի քաղաքականությունը այլ էր լինելու Հայաստանի հանդեպ. «Այսօր մենք այլ հայ-ռուսական հարաբերություններ էինք ունենալու և ավելի նսաստացուցիչ վիճակում էինք հայտնվելու»,- նշեց Հովսեփ Խուրշուդյանը: Նրա դիտարկմամբ՝ պետք է քաղհասարակությունը և քաղաքական ուժերը ավելի ակտիվ լինեն այս հարցում և փորձեն ավելի մեծ ազդեցություն ունենալ Հայաստանի արտաքին քաղաքականության վրա: Նրա խոսքով՝ նաև դրանից է կախված՝ մենք կհայտնվենք պատերազմի մեջ, թե բավականին ուժեղ կլինենք, որպեսզի նման խնդիրներից զերծ մնանք:
Հ. Խուրշուդյանի խոսքով՝ իշխանությունները չեն հավատում ժողովրդի ուժին և ոգեղենությանը, որովհետև իրենք կապ չունեն դրա հետ: Նրա կարծիքով՝ քառօրյա պատերազմից հետո իշխանությունները մի կողմից ոգևորվեցին՝ մտածելով, որ կարելի էր ավելի ինքնուրույն գործել արտաքին քաղաքականության դաշտում, մյուս կողմից՝ մտավախություն ունեն, որ այդ նույն ժողովուրդը նույն ոգեղենությամբ իր ըմբոստությունը կուղղի իշխանությունների դեմ:
«Իշխանությունները հայտնվել են երկու կրակի արանքում, նրանք բնածին դավաճաններ չեն, բայց թույլ են, ես մտահոգություն ունեմ, որ նրանք կնախընտրեն քիչ դիմադրությամբ Ռուսաստանի հետ պայմանավորվածությունների ճանապարհը, ինչը հայկական շահերի առումով կորուստներով է հղի»,- ասաց մեր զրուցակիցը:
Մանրամասները՝ տեսանյութում: