Թուրքիայի պաշտպանության նախարար Վեջդի Գյոնուլը հայտարարել է, որ իր գերատեսչությունը ծրագրում է ծառայության ներգրավել մոտ 50 հազար պրոֆեսիոնալ զինծառայողների, որոնք պետք է օգտագործվեն երկրի ներսում ահաբեկչական եւ անջատվողական խմբավորումների դեմ պայքարում: Թուրքական Radikal թերթն այդ կապակցությամբ հայտնում է, որ ծրագրվում է նրանց համար աշխատավարձ սահմանել մեկ եւ կես հազար թուրքական լիրա (մոտ հազար ամերիկյան դոլար):
Նախատեսվում է նաեւ հավելյալ վճարումներ մարտական գործողություններին մասնակցելու համար: Լրատվամիջոցների ներկայացուցիչների հետ հանդիպման ժամանակ նախարարը հայտնել է, որ որոշ օրենսդրական փոփոխություններ կատարելուց հետո, որի նախաձեռնողը Թուրքիայի վարչապետ Թայիփ Էրդողանն է, օրինագիծը կուղարկվի խորհրդարանի քննարկմանը: Նախարարի խոսքերով, նոր օրենքը ուժի մեջ կմտնի այս տարի: Պրոֆեսիոնալ զինվորականների կորպուսը պետք է կազմավորվի պարտադիր զինվորական ծաայության մեջ գտնվող շարքայիններից եւ սերժանտներից: