Սիրիայում հակամարտության զոհերի թիվը, վերջին տվյալների համաձայն, գերազանցում է 100 հազարը: Այս մասին հաղորդում է Agence France-Presse-ը՝ վկայակոչելով Լոնդոնում տեղակայված Syrian Observatory for Human Rights իրավապաշտպան կազմակերպությանը:
Իրավապաշտպանների տվյալներով՝ զոհվածների թվում են 36.6 հազար քաղաքացի, ավելի քան 25 հազար կառավարական ուժերի զինծառայող և շուրջ 18 հազար զինված ընդդիմության գրոհայիններ: Իրավապաշտպանները մնացած զոհերին վերագրում են աշխարհազորին, որոնք պաշտպանում են Սիրիայի իշխանություններին, ինքնությունը չճանաչված զոհերին և «Հըզբոլլահ» լիբանանյան շարժման մարտիկներին:
Սիրիայում 2011թ. մարտից շարունակվում է հակամարտությունն իշխանությունների և ընդդիմության միջև: ՄԱԿ-ի տվյալներով՝ այս ընթացքում զոհվել է առնվազն 93 հազար մարդ:
