Սիրիայի նախագահ Բաշար Ալ-Ասադի հորեղբայրը Ֆրանսիայի մայրաքաղաք Փարիզում գտնվող իր առանձնատունը վաճառել է 70 միլիոն եվրոյով: Այս մասին հաղորդում է The Times-ը՝ վկայակոչելով ֆրանսիական ԶԼՄ-ները: Որոշ տեղեկատվության համաձայն՝ յոթհարկանի շինությունը, որը տեղակայված է քաղաքի կենտրոնում, ձեռք է բերել ռուս օլիգարխ (անունը չի հաղորդվում):
Ռիֆաթ Ալ-Ասադը այս անշարժ գույքն աճուրդի էր հանել 2012թ.: Նա մտադիր էր շինության համար ստանալ 100 միլիոն եվրո, սակայն գնորդ չէր գտնվում, և Սիրիայի նախագահի հորեղբայրը ստիպված իջեցրել է գինը՝ դարձնելով 30 միլիոն եվրո:
75-ամյա Ռիֆաթ Ալ-Ասադը վտարանդիության մեջ է 1984թ.՝ Սիրիայի գործող նախագահի հոր՝ Հաֆեզ Ալ-Ասադի վարչակարգի տապալման անհաջող փորձից հետո: Մամուլի ուշադրությունը Ռիֆաթի հանդեպ մեծացել է սիրիական ներկայիս հակամարտության պատճառով: Լրագրողները հայտնաբերել են, որ նա Ֆրանսիայում այլ անշարժ գույք ևս ունի: Մասնավորապես, Ռիֆաթն ունի առանձնատուն Վալ դ՛Ուազում և մի քանի տասնյակ բնակարան՝ Փարիզի արևմուտքում:
