Սաուդյան Արաբիայի Աշխատանքի նախարարությունն արգելել է կանանց մատուցողուհի կամ ռեստորաններում գանձապահ աշխատել: Որոշումը ոչ մի կերպ չի պարզաբանվում: Այս մասին հայտնում է BBC-ն:
Կանայք կարող են նախկինի պես գանձապահ աշխատել խանութներում: Այս իրավունքը նրանց տրվել էր 2010 թվականին: Ոմանք օգտվել են այդ իրավունքից, չնայած իսլամական հոգևորականության կոշտ քննադատությանը:
Սաուդյան Արաբիայի օրենսդրությունը հիմնված է շարիաթի պահպանողական տարբերակի վրա: Կանանց իրավունքները զգալիորեն սահմանափակ են: Սաուդյան Արաբիան աշխարհում միակ երկիրն է, որտեղ կանանց արգելված է մեքենա վարել:
Ի դեպ, 2011 թվականից կանայք կարող են քվեարկել և մունիցիպալ ընտրություններին առաջադրվել որպես թեկնածուներ:
