Ինչպես ավելի վաղ տեղեկացրել էինք, այսօր՝ հունիսի 25-ին, կրակոցներ են հնչել Երևանում, ինչի հետևանքով վիրավորվել է 33-ամյա պարուսույց Արմեն Մխիթարյանը: Ժամը 02:00-ի սահմաններում ճանապարհային ոստիկանության օպերատիվ կառավարման կենտրոն քաղաքացիներից ահազանգ է ստացվել, որ Սարի-թաղի նորակառույց ճանապարհից դեպի Սարալանջ-Արմենակյան փողոց ընկած ճանապարհահատվածում մի խումբ անձանց միջև վիճաբանություն է ծագել:
Ոստիկանության լրատվության և հասարակայնության հետ կապերի վարչությունից «Առաջին լրատվական»-ին տեղեկացրին, որ վիճաբանության ընթացքում Ա. Մխիթարյանը եղել է իր սաներից մեկի հետ և ոչ թե կնոջ՝ ինչպես նախկինում էին տեղեկություններ շրջանառվել: Մեկ այլ մեքենա նրան խնդրել է օգնել՝ բենզին տրամադրել: Նա օգնություն ցուցաբերելուց հետո վերադարձել է իր մեքենայի մոտ, և անհայտ անձինք նրան հարցեր են ուղղել, ապա սկսվել է վեճը: Ծեծի է ենթարկվել միայն Արմեն Մխիթարյանը. վերջինս տեղափոխվել է «Էրեբունի» բժշկական կենտրոն:
Լուսանկարը՝ Shamshyan.com-ի
