Վարկաբեկվում է բարոյական անձանց` վարչապետի և Արարատյան հայրապետական թեմի առաջնորդի հեղինակությունը. այսօր լրագրողների հետ հանդիպմանը ասաց «Սոցիոմետր» սոցիոլոգիական կենտրոնի ղեկավար, սոցիոլոգ Ահարոն Ադիբեկյանը` խոսելով օֆշորային սկանդալի շուրջ:
Նա նշեց, որ հետաքրքրականն այն է, որ այդ հաշվի վրա գումարի չափը չի նշվում, որից կարելի է ենթադրել, որ դա պարզապես սարքել են ՀՀ վարչապետի չարակամները: Ըստ նրա` վարչապետին շատերը չեն սիրում և ցանկանում են վարկաբեկել նրա բարի անունը, իսկ նրա վարկանիշը շատ բարձր է միջազգային տնտեսական կառույցներում, որոնք դրա հիման վրա Հայաստանին վարկեր են տրամադրում:
Ուստի, բանախոսի համոզմամբ, սա մեծ սուտ է՝ վարկաբեկելու նաև Արարատյան հայրապետական թեմի առաջնորդ Կճոյանին, ով ևս բարոյական անձնավորություն է:
«Սա արված էր երկու բարոյական անձանց վարկաբեկելու համար: Եթե դատախազությունը հայտարարի, թե որքան գումար կար այդ հաշվի վրա, ապա ես կասեմ, որ Ահարոն Ադիբեկյանը վատ սոցիոլոգ է»,- նշեց նա:
