Լրագրողների հետ զրույցում անդրադառնալով դիտարկմանը, որ Հայաստանում ԵՄ պատվիրակության ղեկավար, դեսպան Պյոտր Սվիտալսկին հայտարարել է, որ դեռ լիահույս է, որ ԸՕ շուրջ կոնսենսուս կկայանա, ՀԱԿ խմբակցության ղեկավար Լևոն Զուրաբյանը նշեց, որ ինքն էլ լիահույս:
Լևոն Զուրաբյանն այսօր ԱԺ ճեպազրույցների ժամանակ հայտարարեց, որ տեղի են ունենում ընտրական գործընթացների հետ կապված լրջագույն կոնսուլտացիաներ իշխանությունների, քաղաքական գործընկերների, քաղաքացիական հասարակության ներկայացուցիչների հետ, ինչպես նաև բազմաթիվ օտարերկրյա ներկայացուցիչների հետ:
«Լուրջ կոնսուլտացիաներ են ընթանում և ես հույս ունեմ, որ մենք կունենանք բավականին լուրջ արդյունք, որն իսկապես հիմք կդնի բեկումային զարգացումների համար: Կոնսուլտացիաները հիմք են տալիս, որ այնուամենայնիվ շատ լուրջ համաձայնության կգանք Ընտրական օրենսգրքի փոփոխության հարցում:
Չկա վերջնական համաձայնություն: Չի կարող լինել գաղտնի համաձայնություն: Երբ որ տեսնենք, որ գործընթացը կոնսուլտացիաների հիման վրա արդեն նախապատրաստված է այն աստիճանի, որ արդեն բանակցությունները կարելի է շարունակել, մենք վերաբացելու ենք 4+4+4 ձևաչափով բանակցությունները և ամեն ինչ կընթանա բաց»,- նշեց Լ. Զուրաբյանը:
Մանրամասները՝ տեսանյութում:
