Ամերիկյան Գուանտանամո բանտի (Կուբա) մոտ 12 կալանավորներ ազատ արձակվելուց հետո Աֆղանստանում սպանել են ամերիկացիների և հարձակվել նրանց դաշնակիցների վրա։ Այս մասին հայտնում է Washington Post-ը։
«Օբամայի վարչակազմը կարծում է, որ Գուանտանամոյի բանտից առնվազն 12 ազատ արձակվածներ մասնակցել են ամերիկյան ուժերի և նրանց դաշնակիցների վրա Աֆղանստանում հարձակումներին՝ սպանելով մոտավորապես 6 ամերիկացու»,- ասվում է հոդվածում՝ հղում անելով Սպիտակ տան ներկայացուցիչներին։
Սպանվածների թվում, պարբերականի տվյալներով՝ եղել են ոչ միայն զինծառայողներ, այլև քաղաքացիական անձ՝ ամերիկուհի, ով Աֆղանստանում է եղել որպես հումանիտար աշխատող և սպանվել է 2008-ին։ 12 գրոհայիններից 9-ը ոչնչացվել են կամ ուղարկվել օտարերկրյա պետություններից մեկի բանտ։
Սպիտակ տան տվյալներով՝ մինչև 2009 թվականը ազատ արձակված 542 անձանց 21 տոկոսը շարունակել է մասնակցել ռազմական գործողություններին։ Իսկ Օբամայի նախագահության ժամանակ 158 անձից միայն 4.5 տոկոսն է վերսկսել մասնակցությունը ծայրահեղական գործունեությանը։
