Օրեր առաջ Instagram ֆոտոծառայությունում հայտնվել էր ոչ միայն լուսանկարների, այլ նաև մինչև 15 վայրկյան տևողությամբ տեսանյութերի ներբեռնման հնարավորություն:
Ինչպես հաղորդում է delate.info-ն` վկայակոչելով մշակողներին, մեկ օրվա ընթացքում օգտատերերը հասցրել են ցանց ներբեռնել 5 միլիոն տեսանյութ:
Չնայած կարելի է ասել, որ դա այնքան էլ մեծ թիվ չէ` հաշվի առնելով, որ Instagram հավելվածն իրենց բջջայիններում ներդրել են շուրջ 130 միլիոն օգտատերեր: Եթե ենթադրենք, որ ամեն մի օգտատեր տեղադրել է մեկ տեսանյութ, ապա նոր տեսածառայությունից օգտվել է Instagram-ի օգտատերերի միայն 4%-ը:
Մշակողները համոզված են, որ տեսանյութ տեղադրողների թիվն օրեցօր կավելանա: