GCHQ էլեկտրոնային անվտանգության բրիտանական գործակալությունը համացանցում նայել է բազմաթիվ էլեկտրոնային նամակներ և սեփական քաղաքացիներին ավելի շատ է լրտեսել , քան ԱՄՆ-ի հատուկ ծառայությունները: Ինչպես հաղորդում է The Daily Telegraph-ը, այս մասին հայտարարել է Էդվարդ Սնոուդենը, որն ավելի վաղ ԶԼՄ-ներին փոխանցել էր ԱՄՆ-ի հատուկ գործակալությունների գաղտնի փաստաթղթեր:
Սնոուդենի խոսքերով` գործակալությունն ընդհանուր առմամբ վերահսկել է 200 մալուխ, ինչը թույլ է տվել կարդալ օրական ավելի քան 600 հաղորդագրություն: ԱՄՆ-ի կենտրոնական հետախուզական վարչության նախկին աշխատակիցը հավելել է, որ իր հրապարակած փաստը հազիվ թե գաղտնիք համարվի, քանի որ ծառայությունը հենց դրա համար էլ ստեղծվել է:
Ինչպես հաղորդում է The Guardian-ը, նախորդ տարի տվյալների մշակմամբ զբաղվել են GCHQ-ի 300 վերլուծաբաններ: Ծառայությունների հասանելիություն են ունեցել ԱՄՆ-ի ազգային անվտանգության գործակալության և մասնավոր ընկերությունների շուրջ 850 հազար աշխատակիցներ: Միևնույն ժամանակ, բրիտանական ծառայությունը հայտարարել է, որ գործել է օրենքի շրջանակներում:
