ԼՂՀ ԱԺ փոխխոսնակ, «Հայրենիք» կուսակցության պատգամավոր Արթուր Թովմասյանը «Առաջին լրատվական»- ի հետ զրույցում, որպես վկա, ոչ միայն պատմեց մանրամասներ դեպքից, այլ նաև նշեց, որ նախքան ծեծի միջադեպը ԼՂՀ ԱԺ պատգամավոր Հայկ Խանումյանին ԱԺ պատգամավորները խորհրդարան են հրավիրել՝ զրույցի, որից հետո ինքը Հայկ Խանումյանին հրավիրել է դուրս՝ մասնավոր զրույցի, որի ժամանակ էլ տեղի է ունեցել միջադեպը:
«Երեկ ժամը 10-ին ԱԺ նախագահի մոտ և՛ խմբակցությունների ղեկավարները, և՛ մշտական հանձնաժողովների նախագահները զրուցել ենք Հայկ Խանումյանի հետ: Բոլորի ասածը եթե մեկ նախադասությամբ ընդհանրացենք՝ Խանումյանին խորհուրդ ենք տվել գործել իրավական դաշտում, օրենքի տառին համապատասխան: Այն, որ չարտոնված միտինգ է արել, դա փաստ է, պետք է դիմեր քաղաքապետին, դա չէր արել: Խորհուրդ տվեցինք, որ եթե երկրի անվտանգությանը կպնի, շատ հնարավոր է, որ իրավապահ մարմինները մտնեն խորհրդարան, կոնկրետ իմ կողմից, նրա անձեռնմխելիությունը վերցնելու: Զրույցը նորմալ էր, մենք մեր խորհուրդները տվեցինք:
Որ վերջացավ, ես Խանումյանին ասացի՝ դրսում զրուցենք՝ մի թեմայի շուրջ, զրուցելու ժամանակ 3 հոգի մոտեցան մեզ և անմիջապես հարվածեցին Հայկ Խանումյանին, Խանումյանն ընկավ, ես ասացի՝ տղեք, էս երկիրը չեք կառուցում: Ես ուզում էի խանգարել նրանց ծեծը շարունակել, չթողնել մեքենան նստել, բայց ոչ մեկը չմոտեցավ ինձ օգնելու, լրագրողներից մեկը նկարում էր, փոխանակ գար օգներ: Ահագին մարդիկ կային, ինձ թվում է, որ մոտենային, Խանումյանին մեքենայի մեջ չէին մտցնի և վիճակը համեմատաբար ավելի լավ կլիներ:
Արթուր Թովմասյանի խոսքով՝ սպիտակ մեքենայով են եղել հարձակում գործողները, որոնց ինքը չի ճանաչել, նաև նշեց, որ նրանք զինվորական համազգեստով են եղել:
Մանրամասները՝ տեսանյութում:
