Ռուսական RIA Novosti լրատվական գործակալության փոխանցմամբ` Թուրքիայի փոխվարչապետ Նուման Քուրթուլմուշը Անկարայում լրագրողների հետ զրույցում հայտարարել է, որ Թուրքիան չի դիտարկում ԵՄ-ի հետ միգրացիոն համաձայնագրից դուրս գալու հարցը:
Ավելի վաղ «Ազգայնական շարժում» կուսակցության (ԱՇԿ) առաջնորդ Դևլեթ Բահչելին կոչ էր արել դուրս գալ ԵՄ-ի հետ միգրացիոն համաձայնագրից` ի պատասխան Բունդեսթագի կողմից Հայոց ցեղասպանությունը ճանաչող բանաձևի ընդունման:
«Այժմ իր պարտականությունները կատարելու ԵՄ-ի հերթն է: Ես հավատում եմ, որ նա գործելու է այդ համաձայնագրին համապատասխան, քանի որ Թուրքիան շատ բան է արել դրա իրագործման համար:
Համաձայնագրի չեղյալ հայտարարումը չի գտնվում օրակարգում, և մենք կշարունակենք անել աշխատանքի մեր մասը հաջողության հասնելու համար»:
