Sputnik լրատվական գործակալության փոխանցմամբ՝ Վրաստանի արտգործնախարար Միխայիլ Ջանելիձեն հայտարարել է, որ տնտեսական դիվանագիտությունը Վրաստանի ԱԳՆ-ի գլխավոր առաջնահերթություններից մեկն է, և որ այն կողմնորոշված է երկրում օտարերկրյա ներդրումների ներգրավմանը:
Ջանելիձեն բիզնես-ասոցիացիաների ներկայացուցիչների հետ հանդիպման ժամանակ իրականացրել է 2016-2017 թվականների Տնտեսական դիվանագիտության գործողությունների ծրագիրը:
«Տնտեսական դիվանագիտությունը կնպաստի փոքր ու միջին բիզնեսի միջազգայնացմանը, նոր շուկաներ վրացական արտադրանքի դուրս բերմանը, նորագույն տեխնոլոգիաների ներգրավմանն ու մենեջմենթի համար արգելքների վերացմանը:
Վրաստանի ԱԳՆ-ը բարեփոխում է դեսպանատների աշխատանքը, որպեսզի ակտիվացնեն այդ ուղղությունը: ԱԳՆ-ն ու էկոնոմիկայի նախարարությունը պայմանավորվել են արտերկրում գտնվող դեսպանատներում կոմերցիոն կցորդի պաշտոնների ներդրման շուրջ: Դա կնպաստի տեղի գործարարների շրջանում Վրաստանում գոյություն ունեցող տնտեսական վիճակի ու բիզնես հնարավորությունների մասին տեղեկության տարածմանը»,- նշել է նա:
2015 թվականին Վրաստանում օտարերկրյա ուղիղ ներդրումների ծավալը կազմել է ավելի քան 1.35 միլիարդ դոլար:
