Ճապոնիայի ինֆորմատիկայի ազգային ինստիտուտի մասնագետները ստեղծել են աշխարհում առաջին ակնոցը, որը տեսախցիկների ու հատուկ ծրագրային ապահովման միջոցով դժվարացնում է մարդկանց դեմքի ճանաչումը: Այս մասին հայտնում է ITAR-TASS-ը՝ հղում կատարելով ճապոնական ԶԼՄ-ներին:
Այն արտաքուստ նման է սովորական արևապաշտպան ակնոցի, սակայն գիտնականները դրա շրջանակի վրա տեղադրել են 11 ինֆրակարմիր լուսադիոդներ: Նրանց արձակած լույսը տեսանելի չէ և թույլ է տալիս աղավաղել պատկերը:
Դեմքերի էլեկտրոնային ճանաչումը վերջին շրջանում ակտիվորեն օգտագործվում է տարբեր ոլորտներում, ինչը մտահոգում է մասնավոր տեղեկատվության պաշտպաններին:
Ինստիտուտում ենթադրում են, որ իրենց մշակումը կարող է հայտնի դառնալ նրանց շրջանում, ովքեր չեն ցանկանում իրենց մասին տեղեկատվությունը հայտնել երրորդ անձանց:
