Պաշտոնական Վատիկանը հայտարարել է, որ աստվածաբանների հանձնաժողովը հաստատել է Հովհաննես Պողոս II պապի կողմից ևս մեկ հրաշքի իրականացման փաստը, ինչը հեռացնում է նրան սրբերի շարքը դասելու ճանապարհի գլխավոր խոչընդոտը: Այս մասին հայտնում է BBC-ն:
Հռոմեա-կաթոլիկական ավանդույթների համաձայն՝ հանգուցյալ քարոզչին սրբերի շարքը դասելու համար անհրաժեշտ է կյանքի օրոք նրա կողմից պաշտոնապես փաստագրված 4 հրաշք:
2005 թվականին՝ Հովհաննես Պողոս II պապի մահից շաբաթներ անց, նոր պապ Բենեդիկտոս XVI-ը սկսել է նրա սրբացման գործընթացը: 2011-ին Հովհաննես Պողոս II-ը դասվել է օրհնյալների շարքը, որը նախորդում է սրբերի շարքը դասվելուն:
Այժմ հովվապետին սրբերի շարքը դասելու վերաբերյալ գործն ուղարկվել է կարդինալների հանձնաժողով, այնուհետև կփոխանցվի ներկայիս պապ Ֆրանցիսկոսի հաստատմանը:
Ավելի վաղ Վատիկանի աղբյուրները հայտնել էին, որ Հովհաննես Պողոս II-ի սրբացումը կարող է տեղի ունենալ հոկտեմբերին և նվիրված լինել հովվապետի պաշտոնում նրա ընտրման 35-ամյակին:
