Մեքսիկայում ութ մարդ է թունավորվել այն բանից հետո, երբ երեկույթի կազմակերպիչները լողավազանի մեջ լցրել են հեղուկ ազոտ՝ արհեստական մառախուղ ստեղծելու համար:
Ինչպես հաղորդում է The Daily Mail-ը, երեկույթը կազմակերպվել էր Լեոն քաղաքում լիկյորներ արտադրող Jagermeiste գերմանական ընկերության կողմից: Կազմակերպիչները տակառներից լողավազանի մեջ հեղուկ ազոտ են լցրել, որը ջրի հետ փոխազդելով եռում է՝ առաջացնելով խիտ գոլորշի: Սակայն այս ռեակցիայի դեպքում թթվածին է այրվում, ուստի վտանգավոր է այդ գոլորշին շնչել:
Տուժողների թիվն ավելի մեծ կլիներ, եթե լողավազանի շուրջը հավաքված մարդիկ չնկատեին, որ ջրում լողացողները կորցնում են գիտակցությունը: Ինը մարդ հոսպիտալացվել է, տուժածներից մեկը՝ 21-ամյա Խոսե Իգնացիո Լոպեզ դել Տորոն կոմայի մեջ է:
Սկսվել է նախնական հետաքննություն, սակայն երեկույթի կազմակերպիչներին առայժմ մեղադրանք չի առաջադրվել:
