Մեր հարթակում նպատակ ունենք ամբողջ աշխարհի երիտասարդներին համախմբելու, կամրջելու տարբեր մտածելակերպները, որպեսզի կարողանանք մեր հայրենիքում և սփյուռքում տարբեր ծրագրեր իրականացնել: Այս մասին «Առաջին լրատվական»- ի հետ զրույցում տեղեկացրեց ՌԱԿ Հունաստանի անդամ Սեդրակ Աբասյանը, ով Հայաստան է ժամանել՝ մասնակցելու ՌԱԿ 27-րդ ընդհանուր պատգամավորական ժողովին:
«Եթե Հայաստանում խնդիր կա, ապա դա նաև սփյուքահայի խնդիրն է, և եթե սփյուռքում խնդիր կա, դա նաև Հայաստանի հայերի խնդիրն էլ է: Պետք է կարողանանք ինչ-որ կերպ մեր ամբողջ տարբերությունները մի կողմ դնենք, և ամենքս էլ, կարծում եմ, նույն շահն ունենք՝ այսինքն՝ ուզում ենք աշխատել զորավոր Հայաստանի, զորավոր հայ ազգի համար, որ կարողանա դիմանալ եկող դարերում»,- նշեց Ս. Աբասյանը:
Նրա դիտարկմամբ՝ Հայաստանը շատ բաներ ընդօրինակել է ԽՍՀՄ-ից և դեռ չի կարողացել փոխվել և մինանալ ամերիկյան կամ եվրոպական քաղաքական ուժերի աշխատելաոճին, սական, ըստ նրա, այս ամենը ժամանակի հարց է, տարիների ընթացքում կփոխվի:
Մեր դիտարկմանը,որ ՌԱԿ-ը միշտ աջակցել է իշխանություններին, որն ըստ էության ավելի շատ ռուսամետ է, և այսօր էլ արդեն արևմուտքի և ԵՄ-ի հետ, կարծեք թե իր ապագան չի կապում, Ս. Աբասյանը պատասխանեց, որ ՌԱԿ-ի նպատակը հայրենիքի կողքին լինելն է. «Իսկ թե իշխանությունը որ կուսակցությունն է, դա մեզ համար այդքան էլ կարևոր չէ, մենք կարևորություն ենք տալիս երկրին և ազգին օգնելուն:
Ամենքն էլ ուզում են, որ փոփոխություններ լինեն և ավելի լիբերալ կերպով աշխատեն թե՛ կառավարությունը, թե՛ այստեղի կուսակցությունները, սա ժամանակի հարց է»:
Մանրամասները՝ տեսանյութում
