ՄԱԿ-ի գլխավոր քարտուղար Պան Գի Մունը պատրաստ է Ռուսաստանի և ԱՄՆ-ի նախաձեռնած Սիրիայի հարցով համաժողովը գումարել որքան հնարավոր է շուտ: RIA Novosti-ի փոխանցմամբ՝ այս մասին ասվում է համաշխարհային կազմակերպության տարածած հաղորդագրության մեջ՝ կապված սիրիական հակամարտության թեմայի շուրջ «մեծ ութնյակ»-ի առաջնորդների քննարկումների հետ:
Հաղորդագրության մեջ նշվում է, որ գլխավոր քարտուղարը ողջունում է ըմբռնումը, որը ձեռք են բերել G8-ի առաջնորդները Սիրիայի հարցով, այդ թվում՝ սիրիական կողմերին բանակցությունների սեղանի շուրջ նստեցնելու պարտավորվածությունը:
Նշվում է նաև, որ Պան Գի Մունը «պատրաստ է Սիրիայի հարցով Ժնևի համաժողովը գումարել որքան հնարավոր է շուտ, որպեսզի օգնի սիրիական կողմերին՝ հասնելու համածավալ համաձայնության՝ հիմնված 2012թ. հունիսի 30-ի Ժնևի կոմյունիկեի վրա»:
Հիշեցնենք, որ այդ ժամանակ ՄԱԿ ԱԽ-ի անդամ երկրների արտգործնախարարները Սիրիայի հարևան պետությունների հետ պայմանավորվեցին իշխանությունների և ընդդիմության մասնակցությամբ սիրիական անցումային կառավարություն ստեղծելու ջանքերի շուրջ:
